Este documental, centrado na denuncia da planta de gas de Reganosa, foi realizado polos alumnos asistentes a un cursillo de guión e gravación promovido pola ONG "Acsur-Las Segovias" e Fuco Buxán. Obtivo un accésit no Certame "Video Diversidade" de Ecoloxistas en Acción, estando prevista a súa difusión en Latinoamérica dentro das iniciativas de accións comunitarias que leva a cabo por Acsur, a través do Noticiario InterCultural.

Este video pretende sensibilizar a opinión pública en torno a ría de Ferrol e á maior agresión mediaoambiental que se da no noso país, está narrado en primeira persoa por Carmelo Teixeiro Menéndez, membro de Fuco Buxán e Coordinador do Comité Cidadán de Emerxencia para a Ría de Ferrol.

O vídeo ten unha duración de algo máis de 10 minutos e foi estreado o pasado 18 de decembro no Centro Cultural Ricardo Carballo Calero do Inferniño de Ferrol, durante un acto de recoñecemento a Carmelo Teixeiro pola súa laboura en prol da defensa da vida e da legalidade. Participando por parte de ACSUR, a súa responsable de Comunicación Silvia Chocarro; e tamén Camilo Nogueira (membro do Consello Nacional do BNG).