|
Organizado pola A.C. Fuco Buxán
Venres 29 de xaneiro, ás 20,15 h.
na Casa da Cultura de Valdoviño
Presentación da documental
“O Segredo da Frouxeira”
Dirección: Xosé Abad. 
A documental “O Segredo
dá Frouxeira” centrado no asasinato, en 1938, do Alcalde republicano de
Serantes, Alejandro Porto Leis e de Modesto del Río, Jesús Miño e
Avelino Landeira, “paseados” con él, na Praia da Frouxeira de
Valdoviño, por habelo protexido.
Participan nel, en aspectos de investigación, asesoramento ou
figuración, numerosas persoas relacionadas coa A.C. “fuco buxán” e cos
grupos de teatro afeccionado de Ferrol.
“O Segredo da Frouxeira – dí o seu director Xosé Abad - aborda un
tema nunca suficientemente contado, pero desde unha perspectiva
diferente, a dos conflitos e equívocos vividos polos familiares das
vítimas. A perda, o saqueo, o silencio, a ameaza, a difamación, todo o
que vai sucedendo despois de que os seus familiares fosen fusilados.
A carga emocional non impide ás
familias, tamén vítimas da represión, reencontrarse e reclamar o
recoñecemento da verdade, sen ningún ánimo de vinganza e construíndo
unha historia de enorme dignidade”.
É unha produción de EAF
Producións en coprodución coa TVG, coa subvención da Consellería de
Cultura da Xunta de Galicia, o apoio da Concellería de Cultura do
Concello de Ferrol, da Concellería de Cultura do Concello da Coruña, da
Deputación da Coruña (Cultura), da Fundación 10 de Marzo (CC.OO.), da
Asociación Cultural “FucoBuxán”, Asoc. Memoria Historica Democrática,
Formateo e CG producións.
Máis información: http://www.osegredodafrouxeira.com/ No mesmo Acto
Presentación do nº 27 de “Razón Socialista”
A
Asociación Cultural Fuco Buxán é unha entidade sen ánimo de lucro,
apartidaria, democrática, aberta e participativa, que pretende
converterse en foro de permanente debate de ideas, propostas e estudos
socioculturais e económicos que axuden a vertebrar, desde unha
perspectiva progresista, os novos retos colectivos, participando na
construción dun futuro en paz e liberdade para todos, e dunha sociedade
mais xusta, democrática, plural, igualitaria, solidaria e pacífica. |
